[ موشح لحبيب بن مظاهر (رض) ]
حي ابن ظاهر حبيب اگلوبها...سيف أبوالسجّاد ليث احروبها
فخر بالدارين نايل ياحبيب...نصرتك للدين وحسين الغريب
حر بنات الخدر مثلك ما تجيب...اوشبهك ابشبّانها وشيوبها
الف مرّه تود تحيى اوتنچتل...دون ابن حامي الحمه ذاك النفل
من يزيل الجبل جدمك ما يزل...اوبالحرب لا زال تجلي اكروبها
حيت تتچنّه ابوجه زینب ابيوم...حزن وعليكم مناياكم تحوم
ما يبن ظاهر يبو الشيمه تگوم...من سبوها فوگ هزّل نوبها
آه يازينب اومن وجدچ گلت...ما عليها ايصير بعدك وصّفت
جاهدت حد الجهد ماگصّرت...بين ادين ابن النبي مهيوبها
طرب مر الحتم عندك چالشهد...حد مواضيها والملوث جعد
اسد ما بالكون يشبهلك أسد...والفوارس بهم چن اسروبها
آه لـمّن طحت ياريس الانصار...ليل صار اعله السبط ذاك النهار
صفگ يمنه اعليك وسفه اعله اليسار...وكظم اوعينا مهت بسچوبها
فخر حُبّك مثّله ابشبله الحسين...اوسيف من اسيوف حمّاية الدين
واجب اعله امصيبتك سَچب العین...ياحبيب او للچبود اتذوبها
من گطع راسك الكافر والرجس...علّگه ابن الزانيه ابصدر الفرس
وجهك اوبدر الدجه اونور الشمس...يشع لاچن بالطفوف اغيوبها
