إحساسي من تطلع...كل خوفي ما ترجع
جاوبني من تسمع...يعباس

يا خويه قال إلها...للموت أقاتلها
بالسيف أنازلها...و المشرعة أدخلها
و القاع أزلزلها
لأعدائي لا تشفع...يعباس

قالت له يا عمري...خويه انكسر ظهري
عباس مو تدري...ما يحتمل صبري
بعدك حرت بأمري
واعيوني دم تدمع...يعباس

يا زينب أفنيها...والميمنة أنهيها
و الميسرة أطويها...و أيتامج أرويها
لو قلتي صفيها
عطشانه خل تشبع...يعباس

أختك يبعد أختك...و بدمي منزلتك
كل عمري ما عفتك...كافل و كافلتك
وين أمشي لو شفتك
عالغبره وامقطع...يعباس

يا خويه تدريني...محد يلاقيني
لكن أمر ديني...عالثره اتشوفيني
صوتج يحاجيني
يا خويه قوم اطلع...يعباس

عباس رد لينه...ضربوا تره اسكينه
أَسره تسمينه...بالدمه اتحنينه
وينه الأخو وينه
و آنا أدري بالمصرع...يعباس

يا بت علي احساسي...انتي بهوه أنفاسي
من صحتي عباسي...غيره اشتعل راسي
بيج الزمن قاسي
صحتيلي يالمفزع...يعباس

يا صاحب الرايه...يالقد الحجايه
يالبيك الكفاية...ياوفي الوفاية
بعدك امحناية
بدموعي و أتودع...يعباس

مولاتي يا أختي...يالمثل والدتي
يا ماي البكصتي...يالجبتك ببختي
أذكر لمن قلتي
للباري بس اركع...يعباس