عدنه اهوايه دمعات...بس اثلث روايات
ما تكفي المصابج...ما تكفي المصابج
كون انسوي السنين...مجلس دمعه واونين
وانموت اعله بابج...وانموت اعله بابج
 
بالرواية الأوله لو بالثانية...عالراوية الناس مدمع بانية
يا رواية الناس هيه امتانية...يفترض ننصب عزه ابكل ثانية
ضلعج انتي مكسور...لازم كل الشهور
نكسر لج ضلعنه...نكسر لج ضلعنه
أصلاً عدنه تقصير...من امصابج ايصير
من امصابج ايصير...نملك بس دمعنه
 
أبد ما يكفيني أون و أتحسر...راح أجيبن بابي يم المنبر
خل يعصروني الخلق حته أقدر...أعرف اشلون الضلع يتكسر
كون بصدري مسمار...حته أستوعب الصار
حته أستوعب الصار...و أتفهم عذابج
من أسمع بابج اجذوع...تنزل دمع الدموع
و أتذكر شبابج...وأتذكر شبابج
 
من أسمع احجاية علي مولاتي...ريت خرجت نفسي وي زفراتي
أستحي من أذرف إلج معاتي...و الله عيب أتفاخر بلطماتي
لابس أسود و جاي...ما تكفيني أبد هاي
ما تطفي لي ناري...ما تطفي لي ناري
لو فعلاً إلي إحساس...اهنانه أقطع هالأنفاس
ما أرجع الداري...ما أرجع الداري
 
الوردة لو مرها النده يأذيها...اشلون جا وردة و جذوع اعليها
هاي شتحط شتداويها...انموت لازم من يمر طاريها
ما تكفينه آهات...لازم نطلع أموات
من هاي المجالس...من هاي المجالس
عابس لابس اثنين...واحد ويه الحسين
وويه الزهره عابس...وويه الزهره عابس
 
الما ينوح اعله الضلع و العصره...خل يرجع نفسه الآخر مره
اشعندنه عايش باقي شله بعمره...الما بجه اسنينه بمصاب الزهره
ما يتسّمه إنسان...الما كو ابصدره نيشان
الما كو ابصدره نيشان...من لطمت عزاها
ربك إلها غضبان...راد ايهد الأكوان
من افلان إجاها...من افلان إجاها