جانت سمه أمنه...كل مغرب اتلمنه
فاطم نَفَسها ينحسب عند الله تكبيره
مثل الشمس راحت...عالخيمه من طاحت
سبحه و تطشرنه و صفينه كلمن بديره

أبدي من احجابها اليسوه السماوات...اخيال فاطم جان يتفصل عبايات
من كمال أمي انفهم معنه الكمالات...لو نزل جبريل هيه اتعلمه الآيات
جان الآيه يقراها...و أمي اتفهمه معناها
من اتصلي جبرائيل...جماعه ايصلي وياها
جان الوحي ذكره...تسبيحة الزهره
قرآنه يتفسر و اسمها صعب تفسيره
مثل الشمع ذابت...من ساعة الغابت
سبحه تطشرنه و صرنه كلمن 
 
ربنه خلاها أمينة فوق أرضه...الشمس ما تطلع إذا مو أمي ترضه
و الفجر جم مره من ضيها توضه...قلب حيدر دنيه بس فاطمه نبضه
ذاك المرتضه براسه...النزل حته العرش باسه
لمن ماتت الزهره ماتت حته أنفاسه
حيدر بقدسيته...إقباله احترق بيته
ضربوا حرمته و من ضلعها سمع تكسيره
من ودع الشمعه...صرنه مثل دمعه
سبحه و تطشرنه و صرنه كلمن بديره
سبحه و تطشرنه و صفينه كلمن بديره
 
من بعدها والدي عاف المدينه...شلنه من البيت للكوفه إجينه
ساعه لن أسمع علي راح من ايدينه...ابلا علي و لا فاطمه تالي بقينه
ثوبه المنخضب بدماه...يم ثوب أمنه خليناه
حيدر يشبه الزهره هم بالظلمه شيعناه
اتراب النجف قاسي...ياخذ أعز ناسي
إي و الله حيره يا خلق هجر المحب حيره
هيبة الأبو هيبة...من خضبوا شيبه
سبحه و تطشرنه و صفينه كلمن بديره
 
للمدينه عودت و آنا بحنيني...النوب ظلت عالحسن مشبوحه عيني
ريحة أمي بيمنته لازم يميني...اسمعته قلي يختي زينب ودعيني
اقعدت يم الحسن قعده...و أشوفن بالطشت جبده
بيديه غمضت عينه عزيز ابن أمي شيرده
اهوايه الأخو غالي...و نعشه مشه اقبالي
سدوا مضيفه اللي أكل جبريل من خيره
ظلينه نتحسر...آنا و أبو الأكبر
سبحه و تطشرنه و صفينه كلمن بديره
 
ما بقه من الزهرة بس حسين ليه...و كربله ما قصرت حنت عليه
حرت أوقف أرد عنه اخيول أمية...مدري أطفي النار بعصابة رقية
جدامي انسحق صدره...و حافر طلع من ظهره
اشوفن عالرمح راسه و بالشيلة امسحت نحره
أصعب جرح بيه...قادوني مسبية
سوط الشمر فوق المتن و آنا أخت ابو الغيرة
ضعني بلا كافل...بعد أبو فاضل
سبحه و تطشرنه و صفينه كلمن بديره