قوموا نروح يا زوار ..نبجي ونلطم الخدين
نعزي المهدي والأطهار ..بليلة أربعين حسين
*-------------------------------------------------
أبو صالح وقف بالطف بليلة أربعين حسين
يشوف بعينه الزوار تلطم وتهل دمع بالعين
ناس تصيح ياعطشان وناس تصيح يا مذبوح
وموكب يزحف يواسي بتولة والدمع مسفوح
وفوج يطوف ويلبي ويسعى وينتحب وينوح
وناس تنادي ياعباس وناس تصيح آه يحسين
--------------------------------------------------
قوموا نروح يا زوار ..نبجي ونلطم الخدين
نعزي المهدي والأطهار ..بليلة أربعين حسين
--------------------------------------------------
سالت دمعة المهدي من الحسرة على خده
وتذكر أبو اليمة غريب بكربلا وحده
هذا بجبهته يصوبة وذاك يصوبة بجبدة
وناس تصيح عجل عليه ذوبنا ونين حسين
--------------------------------------------------
قوموا نروح يا زوار ..نبجي ونلطم الخدين
نعزي المهدي والأطهار ..بليلة أربعين حسين
--------------------------------------------------
كفكف دمعته المهدي ودار يخاطب الزوار
عليكم فاطمة الزهرا يشيعة حيدر الكرار
رقية لا تذكروها اذا زرتوا أبوا الأحرار
أخاف الطفل يتحرك على صدر العزيز حسين
--------------------------------------------------
قوموا نروح يا زوار ..نبجي ونلطم الخدين
نعزي المهدي والأطهار ..بليلة أربعين حسين
--------------------------------------------------
أخاف الطفل يتحرك على أضلاعه المتكسرة
ويتوعى علي الأكبر إلى نحر الأبو صدره
شوف الصدر بليه ضلوع وجسمه منقطع نحره
وعاين خنصره المبتور مرمي بكتر جف حسين
--------------------------------------------------
قوموا نروح يا زوار ..نبجي ونلطم الخدين
نعزي المهدي والأطهار ..بليلة أربعين حسين
--------------------------------------------------
وزينب لا تذكروها إذا زرتوا أبو فاضل
أخاف البطل يتوعى وعن حال أخته يسايل
لاتخبرونه بزينب بقت بعده بلا كافل
ولا تخبرونه الحوراء شافت شمر داس حسين
-------------------------------------------------
قوموا نروح يا زوار ..نبجي ونلطم الخدين
نعزي المهدي والأطهار ..بليلة أربعين حسين
------------------------------------------------
الزهرا لاتروعوها ترى مفجوعة يازوار
بالمثلث ولدها انصاب وصدرها انصاب بالمسمار
ويلي بالخيل مهشم صدره وصدرها بعصره الغدار
------------------------------------------------
قوموا نروح يا زوار ..نبجي ونلطم الخدين
نعزي المهدي والأطهار ..بليلة أربعين حسين