ها يخوية القوم سرجت خيلها...هذا يومك يبن حامي ادخيلها

هذا يوم الواعدك بيه حيدره...اليوم راح العفو عند المقدرة

خل يعرفونك يسبع القنطرة...من حدر هالقاع كون اتشيلها

هذا يوم الذاخرك عودك إلي...و اعله مهرك قوم يا خويه اعتلي

و صيح بيهم لا فتى إلا علي...و خلها تشرد منك ابكل حيلها

شد على مهرك يفارس كربله...و انت بس إقره يخويه البسملة

و خلي مهرك يقره باقي الزلزلة...اتميل هاي الحومة من ترتيلها

شيل سيفك و ابتدي ابيوم الحساب...خل يراويهم يبو فاضل عذاب

مختنق و يريد يتنفس رقاب...و الدماهم قطرة قطرة يسيلها

انت لمربيك حماي الدخيل...مثل أبوك و ما تعرف المستحيل

الراية لو رّفت عساكرها تميل...و تمطر اعليهم غدت سجيلها