ليش تمنع عني وحيك و آني بعيوني نبي
لا تخاف اهمومي ناقة و روحي تتحمل سبي
إلزم إيدي دنية ما بيها أمان...و الغريبة تحلم بنظرة حنان
ساعة ما تكفي السوالف و انت ناوي اعله الرحيل
الوردة لو قطعوا غصنها تبقه وردة مستحيل
الليل من ينشر عباته اتفزز اعيونه الدخيل
و انت تترك لك عليلة تاخذ بضعنك عليل
لا تصد عني إلتفت لي بايت بقلبي حجي
ساعة اوداعك يتيمة ما تحب غير البجي
و اليتيمه تصغر بعين الزمان...و الغريبة تحلم بنظرة حنان
ليلة الفرقة طويلة و ليل الموادع قصير
و اليظن أحبابه ترجع يفرش السجة حصير
اشما كبر حلم اليتيمه بعين المدلل صغير
الغربة من الله خبيثة و ما يلوق إلها ضمير
و اليموت ابين اخوته ايغمض اعيونه ملك
و اليعيش ابلايه واهس حته بخياله يشك
يا هضيمة أنتهي بلاية مكان...و الغريبة تحلم بنظرة حنان
كل شي يحرم عاليتيمه بس المعاتب حلال
من تنام اتنام تبجي بلكي تحلم بالدلال
كلمة اليمته سفينة تغرق بموجة تعال
و اليظل بالدار وحده يذبح إحساسه السؤال
و اليموت ابين اخوته يغمض اعيونه ملك
و اليعيش ابلايه واهس حته بخياله يشك
بإنتظارك صايم و جيتك أذان...و الغريبة تحلم بنظرة حنان
مدري ليش اعيوني ترمش لو قلت باجر يعود
و مدري ليش أحلم كأني بخيمة ما بيها عمود
جن أشوف القاع حمرة و زينب ابين الجنود
و جن شفت عباس إجاها لكن ابلايه زنود
مرة شفت حسين يمشي و الدرب كله نبل
و مرة شفت حسين يبجي و ميت بحضنه طفل
مدري شنهو ماتوا بطرف اللسان...و الغريبة تحلم بنظرة حنان
صوت إبن حذلم تبعته و اصفق الأيد اعله إيد
راح أبو الأكبر ينادي ضامي مقطوع الوريد
اجروحه ألف و تسعمية و داسته اخيول العبيد
و الأشد من هالمصيبة زينب اتروح اليزيد
استر اعليها يا إلهي زينب الدينك ستر
يا غيور اليرضه بيها زينب ايطقها الشمر
للأسيرة جالسهم نظرة سنان...و الغريبة تحلم بنظرة حنان
