بوية بعيونك رزية...و لا تقلي اتعود ليه

كلها موت الغاضرية...لا تروحون

اشتريد أعرف قبل لا أستمع صوتك...و بطاري السفر لتسولف امروتك

تدري بسفرتك موتي قبل موتك...القدامي ضعن بس شفته تابوتك

الموت شافك قال هوه...تمشي خطوة و يمشي خطوه

ياخذك من بين ايديه...لا تروحون

يروحون و تريد اوياهم اتسافر...أنا طفلة و صعب من أنكسر خاطر

العيشة ابلا أبو شتسوي بالحاير...ما يكفي الأمل من كلمة الباجر

عيني هم تنزف سوالف...ايبين المن يبجي خايف

امسح الهم العليه...لا تروحون 

اليترك له عليلة و طفلة و يجافي...عذر لا يدور الأعذار مو كافي

إخذ وياك جرحي و كل حلم غافي...كلمة وينك الماتت عله اشفافي

بوية و الراح اشيرجعه...و السؤال بعيني دمعة

هذي روحه ابلايه جية...لا تروحون 

إذا توصل طفوفك لا أجي ببالك...و لا اتدور عليه و تسأل اخيالك

الحيرة ابسيفه من يجيك جتالك...كل خوفي رقية لا تجي إقبالك

الله لا ينطي الليالي...فرقت غالي اويه غالي

اوياي لو تترك رقية...لا تروحون

الضعن من يرجع ابلياك ما يحله...لا يرد لي الضعن لو بيه نقص طفله

الرباب أسمعها جني اتكلم النبله...و بعين العرس ما ظلت الكحله

بالضعن زينب سبيه...انموت كله احنه سويه

تسوه عقبك هالمنية...لا تروحون