لو ينجرح صدري ابرمح...فوق الجرح ينحط ملح
ما عوف مجلس فاطمه...لو بالحسينية أنذبح
إذا تلطم الفاطم طلبت إيديه...ما رد إلها مطلب إيدي شيعية
لون سبعين ألف جند و تسعمية...ميمنعوني أمشي للحسينية
لو جيش أقابل و أنجرح...فوق الجرح ينحط ملح
ما عوف مجلس فاطمه...لو بالحسينية أنذبح
لون مكسورة ايديه و منهشم صدري...و إجتني الفاطمية و ما بره كسري
لتحيرون إنتم أصلاً بأمري...براسي ألطم المنبر و الدمه يجري
ألطم براسي المنفتح...فوق الجرح ينحط ملح
ما عوف مجلس فاطمه...لو بالحسينية أنذبح
أشعر بالمجالس و اللطم عيدي...و إذا ما تلطم إيدي أتبره من إيدي
عيني اشما بجت أصرخ بعد زيدي...مجلس جاي احسه داخل اوريدي
دمي بالأسود متشح...فوق الجرح ينحط ملح
ما عوف مجلس فاطمه...لو بالحسينية أنذبح
إذا مرة بمجالس فاطمه أهجس...لو يم القمر أتعنه للمجلس
صدري للطم فارغ و أريد أترس...تلميذ بمدارس فاطمة أدرس
صدري شهادة يمنح...فوق الجرح ينحط ملح
ما عوف مجلس فاطمه...لو بالحسينية أنذبح
إذا حانت منيتي أحبابي أوصيها...كون أقره بحسينية أندفن بيها
الليالي الفاطمية خاطر أحييها...ردت بقبري أنوح و دمعتي أجريها
عالزهرة دمعي ما يشح...فوق الجرح ينحط ملح
ما عوف مجلس فاطمه...لو بالحسينية أنذبح
