ليل  و  دموع  و  قهر...بيت  مهجور  و   سفر وحشة  الوالد  جبيره...و  طفله  خاطرها انكسر يالرحت   عمري   بغيابك   صار  بعيوني  سراب و انت كلشي اوياك أخذته و يمي خليت العذاب اعيون  البنيه  اعله أبوها اشما رحل لو عنها  غاب و  قلبي  طير  ايحوم  يمك يعبر اسهول و  هضاب قلبي   ناداك   و   عثر...صوتي   بالعبره   انتحر تنزل  الدمعه  اعله  خدي...و  دمعة الصابر  نهر رد  تعال  و  شوف بيتك عايش ابصفنت  غريب بالدمع   حيطانه   تنشد   وين   خلاج   الحبيب بويه   تدري   آني   عليله   انت  للعله   الطبيب من   تغيب   الفرحه  كلها  يالرحت  عني   تغيب ليل    و   بلايه   قمر...جفن   بدموعه    انتظر ركضت   اخيول   المدامع...عالجفن   تركت  أثر وي  صلاتي  ادموعي تجري و أدعي يا ربي  الكريم اشعنده  غير  الله  و  دمعته  اليبقه  بالدنيه   يتيم اليودع  احبابه  عينه  اعله  الدرب  تبجي و  تهيم و   آنه   من  يوم  العفتني  عيني  بعيون   الرحيم خنجر    افراقك   عبر...بالقلب   جرحه    كبر ليلي  ما  نامه  و  أشوفن...يا  هلي منكم  صور هيدي   يعيوني   انعميتي   صارت  الدنيه   ظلام اليذكر   أحبابه   ابغربته   ابيا  وضع  يقدر   ينام يا   كلام   اللي  أقوله  شيقدر  ايسوي   الكلام ما   وصلكم  صوتي  شايل  من  يتيمتكم  سلام ايسلم   و  يحجي  ابقهر...اشلونه  عباس   القمر قلبي  يم  عبدالله  باقي...لا  تكشفوا  له   النحر ردت  من  عندكم  يجيني و لو ويه أحلامي  طيف و  أحلم و مرعوبه أصحه أثاري كل الشفته  زيف بويه  ما  أدري  شجاوب  لون  دق بيباني  ضيف بيتكم  خطاره  ينشد  بيش أجاوب و الله  حيف الموت   بضلوعي  استقر...و  المرض  بيه   الأمر يا  زمن  خلوني  وحدي...جمر  و  بقلبي   استعر