إقعد      يوفاي...و     إتلقه      الوديعه شوف أم الحسن هاي...قصدت  للشريعه و  إتنادي  طايح وين...يحزام ظهر  حسين فاطمه   المظلومه   جت  تشكر   جميلك لون   صعبه   إعليك   جانت    تعتنيلك نادتك   نعم   الإخو   الما   كو   مثيلك ظهر   أخوك   إنكسر   عباس   إبرحيلك يمك    تعنيت...أحجي    لك     مصابي إرحم     حالي    ناديت...رجّع     جوابي و  إتنادي  طايح وين...يحزام ظهر  حسين يوم    عاشر    للمصاب    أول     مسيه خيّم     الليل    و    رحت     للغاضريه شفت  أخوك  حسين  مرمي  إعله  الوطيه و    الثياب    إمسلب    يصعب    عليه يا    ريتك    إتشوف...جبده   إمصوبينه دامي  إبحد  السيوف...جسمه   إمقطعينه من  حاطته  الصوبين...يحزام ظهر  حسين قبلما   أتعنه   يم   جسمك   و   أقصده إشلون  أعرفك  قلت  يا هو اللي  أنشده عطر    أبويه    المصطفه    شميته    عنده جان   كل  صبح  و  مسه  إيقبله   جده دم   دمعي   همّال...حين   اللي   وصلته ما   يتوصف  الحال...فوق  الغبره   شفته و جبده إنجسم نصين...يحزام ظهر  حسين من  إجيت  إبكل  حنيني  الصوبه   أسعي و   بجدم   يتعثر  و  إيدي  إعله   ضلعي عالوجن   مثل   الجمر  من  يجري   دمعي و  أشتكي  إبلوعه  قلب  للباري   وضعه من   يدفن  حسين...و  أوصاله   القطيعه صحت  إبحيره  مرتين...أنشد عن  رضيعه و  ما  أحمل إصوابين...يحزام ظهر  حسين لني    أسمع   صوت   يندب   يا    حنينه يمه    روحي    للوفي    حامي    الضعينه بالدرب     تلقين     يسراه     و     يمينه و   مثل   عينج   بالسهم   مطفيه   عينه لون   تسأل  إشلون...يا  عباس   إجيتك يبني  و  ينور  العيون...ما  أجرح  حميتك و الوصف جبته إمنين...يحزام ظهر حسين يبني     قصة     جيتي     قصه     طويله من   ردت   لحسين  أبو  اليمه  أعتني  له تفتر     إبين    الجثث    شفت    العقيله تلطم   إعله   الراس   و   المدمع   تسيله أمج    و    أناديج...زينب    يا     غريبه جيتج  و  أنشد  إعليج...و بليل  المصيبه لا  جرح  لا جرحين...يحزام ظهر  حسين إجت    تركض    ليَّ    حين   الشاهدتني تشتكي     الهم     العليها     و     ألمتني و   عن   وفاك   و  خوتك  من   خبرتني يبني   و   الصوب   النهر   هيَّ   الخذتني إختك        يعباس...حيّرها         زمنها عنك   تنشد  الناس...يا  حامي   ضعنها و  شافت لهب نارين...يحزام ظهر  حسين