أضف الموضوع
الشاعر أبو علي الناصري - 20/10/2015م - 12:00 ص | عدد القراء: 2225
جودك نشف من مايه...يا خويه هاك الرايه
طلبه أرد أطلبك يالقمر...بس إنته توصل للنهر
يا خويه هاك الرايه
يالتشتري ماي الوجه...من عندي ما تتعذر
جيتك و ماخذني الخجل...و بمشيتي أتعذر
أنخاك و أدري الطلبتي...يا ذخر زينب تقدر
انخاك و أرجع للخيم...و أتنطرك يمشكر
و إنته العهد وفايه...ماي الوجه شرايه
عباس يحزام الظهر...بس إنته توصل للنهر
يا خويه هاك الرايه
هم الأمر يا كافلي...نحمل عطش ما بينه
راح ارجع و بيك الأمل...يا بالفضل خلينه
و اتنطرك سالم ترد...بيدك تشرب اسكينه
راح اسقي لعيال الصبر...لمن ترد اعلينه
يالبسمك مسمايه...جودك يخويه الغايه
يالعاجز ابوصفه الدهر...بس إنته توصل للنهر
يا خويه هاك الرايه
لا تبطي خويه اعله الحرم...جف الدمع ما يجري
نتطر الله و جيتك...يا ذخر حيدر تدري
و يتنطرك يا باالفضل...ستر الحريم و خدري
و مرهون بيدك يالقمر...عمري لحسين و أمري
خل عينك اعله الثايه...و انته الظعن حمايه
يبقه لك مشبوح النظر...بس إنته توصل للنهر
يا خويه هاك الرايه
لاح اعله المطهم رعش...و ارتعشت اقلوب المله
ناده و حق طبرت علي كون...الفرات توصل إله
اتنختني بت المرتضه...و عندي العقيله امدلـله
يا جيش ينحر حملتي...دم آخره ايغط أوله
اتنخت و جيت إعنايه...إوصل للمسنايه
قالت لي بت فارس مضر...بس إنته توصل للنهر
يا خويه هاك الرايه
أشرف عله الجيش و هتف...اخلو لي للماي الدرب
إنتم تلزمون الورد...و اسكينه مدمعها يصب
و معصبها زينب دبته...للماي أطب لازم أطب
تدروني شبل الفحل...أضرب عله ويد الحرب
و آنه الظعن روايه...عهدي الإخت وفايه
قالت و خاطرها إنكسر...بس إنته توصل للنهر
يا خويه هاك الرايه
امن الدمه روه هالأرض...امن الفرات أروه الجود
وإلتوه اعنان امطهمه...و الخيم رد إلها اردود
اتلقته الحره و نادته...خويه يلمروي اجبود
يالبيضت وجهي هله...واوجوه أعاديك السود
قال إلها هاج الرايه...و الجود إبشروا ابمايه
قالت له تسلم يالقمر...بس إنته توصل للنهر
يا خويه هاك الرايه |
|
