أضف الموضوع
الشاعر حسين العّوادي - 19/10/2015م - 11:37 م | عدد القراء: 2364
يا حيدر عباس إنصاب...عالمشرعه إشلون إصواب
صابوا عينه...وي جفينه...عالمشرعه إشلون اصواب
يا علي زينب ندبتك...و إحشاها تتلاهب جمر
من طاح إخويه اعله النهر...ما ظل بعد عندي صبر
بإفكاري هالجالت صور...إتذكرني بيام الزغر
إتذكرت يوم اللي إنولد...عباس يا فارس بدر
إتذكرت يا داحي الباب...يوم إنولد ليث الغاب
و إبميلاده...صوتك ناده...عالمشرعه إشلون اصواب
يوم الذي بيه إنولد...عباس يا عقد الوله
جينه يبويه إنخبرك...و إقلوبنه فرحت إله
جيت و حضنته يا علي...و دمعة اعيونك هامله
إنشدناك جا ليش الدمع...قلت إلنه يبني إبكربله
تقطعت إزنوده الأجناب...و عينه إبسهمهم تنصاب
و تخله الثايه...إتطيح الرايه...عالمشرعه إشلون اصواب
جلماتك الما ينسن...و ابثوب صبري امقبعه
من شفت عباس الشهم...إبدمه سبح عالمشرعه
بمصيبته هرش القلب...يا وصي الهادي قطعه
نايم بقه فوق النهر...و محد السهمه طلعه
ابطيحت جفيلي الينهاب...يا بالحسن قلبي إرتاب
سهم إغيابه...القلبي صابه...عالمشرعه إشلون اصواب
بمصابه ذابت جبدي...و دلالي نصين إنجسم
أيست من كل دنيتي...بغياب شيال العلم
و إنحنه ظهري ابطيحته...و حيلي يكرار إنهدم
و حيلي يا حيدر من ضعف...مقدر أحرك بالجذم
ضي القمر لمن غاب...دمع الجفن ظل سجاب
و دمعي ساجم...فكري هايم...عالمشرعه إشلون اصواب
جرح البلدلال إلتهب...بمصاب سبع القنطره
يا حيدر و يشخب دمه...و نيرانه بيه اموجره
و آلالام جرحي يا علي...خلتني بالطف ساهره
و الكسر بويه خاطري...حسرتي ابصدري امكسره
جرح النزف عالأطياب...اياذيني و أبداً ما طاب
زيّد نوحي...صوب روحي...عالمشرعه إشلون اصواب
حال ابو اليمه ابيا وضع...ينظر لخوه المنصرع
حزنان قلبه و منكسر...و ظهره و تهل عينه الدمع
مهضوم بمصاب القمر...يا علي و قلبه منصدع
وحده العساكر شافته...يا حيدر و حاطه الفزع
غربه و لا ظلت له أصحاب...و جبده امن الهم بويه ذاب
و قلبه الضامي...إنصاب و دامي...عالمشرعه إشلون اصواب |
|
