أضف الموضوع
10/12/2014م - 10:40 م | عدد القراء: 29803
عظم الله أجرج بجعفر و عون ...تقله الكل فده لحسين يرحون
يقلها عبدالله غده وياهم فرد كون ...تقله الفخر ريحانة المختار
يقلها انجتل عباس اشتقولين ...التوت و اتقول قلي ابقرة العين
بجه و دق عله راسه و صاح يحسين ...اهي يحسين صاحت يا ذل الصار
صاحت يالفواطم فكن الباب ...و تلقن شريكتنه بالمصاب
هاي أم البنين و نسل الأطياب ...راحوا إلها اشبول أربعه إحساب
بجت زينب و صاحت آه يا حزني ...و إجتها أم البنين ابضلع محني
تصيح ابصوت آه يحسين يبني ...يبني مصيبتك بجّت الدارين
أنشدج عله راعي المحنّه ...اشسوه الخواته من نِخنه
أدريه غيور و بيه ظنه ...و أدريه ضرب السيف فنّه
إنجان ما راضين عنه ...لروح الكربله و أعاتبنه
و حليبي الرضعته لحرمنه
الحمدلله ييمه اعله نصيبي ...و حلال اعليك يوليدي حليبي
يبني الناس كلها اتريد الأولاد ...و أنا العينك ردتهم يبو السجاد
تمنيتك ترد سالم للأوطان ...جا بيك جرح الأربعه هان
أنا لو أدري بحليبي هالوفه جان ...بعد ربيّت ليك يحسين خوان |
|
