أضف الموضوع
الشاعر زيد علي العبنّدي - 31/10/2014م - 11:10 ص | عدد القراء: 4351
وين الوفّاي ...وينه وينه
منريد الماي ...وينه وينه
يا خويه أشوفك تمشي تتعثر
وينه اللي يعينك يا شبل حيدر
مو هين عليّ ألقاك تتحسر
ليكون القمر بالمصرع اتعفر
كاشف بلواي ...وينه وينه
منريد الماي ...وينه وينه
تون شفتك يلوم الله الذي يلومك
أحزانك جبل و انخطفت ارسومك
ناديتك عسه يومي قبل يومك
راح اللي يبّدد عسكر اهمومك
راح الحماي ...وينه وينه
منريد الماي ...وينه وينه
حاجيني صدق فوق النهر شفته
جفينك صدق قطعوها من جثته
عله الشاطي يخويه اليا سبب عفته
و اسكينه تريده ليش ما جبته
و مدهوشة راي ...وينه وينه
منريد الماي ...وينه وينه
يا خويه أحلفك بأمي الزهره
حامينه صدق نايم عله الغبره
معقوله يمينه اتطيح عاليسره
وديني أشوف ابجسمه جم طبره
عزي و رجواي ...وينه وينه
منريد الماي ...وينه وينه
لو جسمه توذر و إنفقد ذخرك
معناها الشمر يصعد على صدرك
إذا راسه انطبر يعني انكسر ظهرك
بس باقي يحز سيف الغدر نحرك
و انصيح بهاي ...وينه وينه
منريد الماي ...وينه وينه |
|
