أضف الموضوع
الشاعر زيد علي العبّندي - 31/10/2014م - 10:55 ص | عدد القراء: 4238
رايه بالحرب رايه ...من علي رايه...الزمها عباس
هذي رايه اللي حملها بالمعارك حيدره
بيها دين الله تأيد و إبتشر خير الوره
بيده جانت من برز مرحب و من طبره
حامي دينه و بيمينه راية الله
دينه ينتصر دينه ...رايه بيمينه ...ذلة أرجاس
هذي راية عزه هذي هي عالكل تعتلي
أصبحت آية محمد بالحرايب تمتلي
اعليها خط الباري جلمة لا فتى الا علي
و اعله حيدر منهو يقدر منهو يدناه
طاها بالوصي طاها ...حقه يتباهه ...و يرفع الراس
ما نشر هالرايه حيدر الا دين الله انتصر
من دنت منه المنيه بيده سلمها القمر
بيها حجّب إخته لمن قصدوا الوادي النهر
و بنضاله و الكفاله الله حياه
جثته لو هوت جثته ...بس خدر إخته...حاشه ينداس
راية الباري و رسوله هي شعار المعتقد
لاحت ابجف الكفاله عسكر الكوفه ارتعد
شبل أبو الحمله نشرها و الشبل مثل الأسد
هذا عزمه و هذا اسمه كلها تخشاه
جوده و النهر جوده ...فارس ابزوده...تشهد الناس
و النعم حامي الضعينه فاخر ابجفه اللوه
مرضه عدوانه و لا شاف الها سيفه دوه
دوهن الحومه بحسامه عله الحومه استوه
بالحرايب عالكتايب يخفق إلواه
شانه مرتفع شانه ...يحمي صيوانه...هوه حراس |
|
