أضف الموضوع
الشاعر ثامر السراج الكاظمي - 17/11/2012م - 1:37 ص | عدد القراء: 2919
إخـذ الـبنين الأربعه...يا من رحيلك فاجعه
جـعفر و عبدالله و بعد عون إشوصفلك عون
عـون و إخوته بالشدد تلقاهم أنصار و عون
أولادي مـعـدنهم وفه أولادي ما يتوصفون
الأمـرك بـنيني طايعه...يا من رحيلك فاجعه
سـيـدهم إنت و هالخدم يوفون يوم الشده
عـبـاس إذا يـمك وقف حدك أماني و حده
عـبـاس من طبعه الكرم ينطي إشما تملك يده
هـالخصله منك نابعه...يا من رحيلك فاجعه
عـبـاس ينطي اشما ملك باجر لخوك إتشوفه
جوده إشيخلصه لو خلص عباس ينطي إجفوفه
بـاجر تشوفه إعله النهر عينه إبسهم مكفوفه
و يصعب عليك إترجعه...يا من رحيلك فاجعه
عـبـاس غالي و لا تظن هالغالي ما يرخصلك
عـباس و أمه و إخوته يرحون فدوه الطفلك
إحـنه إنخلقنه النصرتك إحنه إنخلقنه الأجلك
عيني إعله فقدك دامعه ...يا من رحيلك فاجعه
يـم الـبـنـين الما شفت أم التضحي مثلج
إلساني لى شكرج عجز إلساني إشيريد إيكلمج
عـبـاس صـوب مهجتي خلاني أنحب قبلج
آنه الصحت عالمشرعه...يا من رحيلك فاجعه |
|
