أضف الموضوع
الشاعر صباح أمين النجفي - 30/04/2011م - 8:41 م | عدد القراء: 3712
حـيـدر... ويـن الـسـيـف و يـومـه
حــيــدر ...قـدامـك مـظـلـومـه
لا لـتـصبره...هاي الزهره ...قدامك مظلومه
يـا حـيدر إقبال الجرح لا سيفك إبغمده إينام
و هـيـهات منديل الصبر يمسح إدموع الآلام
عالباب حطاب و حطب و إسياط هاي و ظلام
بـالـخـدر بضعه يا علي و من تتنفض ما تنلام
حـيـدر ...سـيـفـك يـمـتـه إتـطلعه
حــيـدر... و إبـيـت الله الـبـضـعـه
امـأمنه إبخدره...هاي الزهره ...قدامك مظلومه
يـا حـيـدر إبيت الذي إختاره السمه للقرآن
و حـتـه محمد من يجي و يدخل عليه بستأذان
و الـيـوم عـالباب الجرح ينزف إقبال الدخان
من بيت بيه صله الوحي لن صبح بيت الأحزان
حــيــدر ...لــن الـيـوم إبـبـابـه
حــيــدر... لــلـنـار و حـطـابـه
و تدري الغدره...هاي الزهره ...قدامك مظلومه
فـاطـمه جوهرة الزمن و إشلون سيفك ميثور
و هـذا إعـله وجه أم الضوه لؤلؤ دمعها منثور
يـا حـيدر و هذا الجرح ينزف شفت دم و نور
و إتشوفها جف عالجفن جف إعله ضلع المكسور
حــيـدر ...وجـه الـبـضـعـه الآيـه
حــيــدر ...لــلــقـرآن إمـرايـه
آيـه الـكبره...هاي الزهره ...قدامك مظلومه
يـا حـيـدر إقبالك جفن عين الحياة أحمر صار
دمـعـه جوه خد الزمن و ما غسل دم المسمار
و آيـة الـتـطـهير الإجو رادوا يحرقوها إبنار
و لـو جـان هذي جارتك هم إنت حماي الجار
حـيـدر ...شـفـت الـجـفـن الـيلهب
حـيـدر ...صـدر الـدنـيـه إمـخـضب
دم و حـسره...هاي الزهره ...قدامك مظلومه
و إشـلـون يـم بابك شفت دم و دمع يتفجر
و آيـة الـقـربه إتخضبت يا علي إبدم الكوثر
و إنـت الـذي جـف همتك هز الوجود إبخيبر
و إشـلـون ميهزك جرح أطهر صدر يا حيدر
حــيــدر ...زهـرائـك جـرحـوهـا
حــيـدر ...بـالـدم إيـصـبـحـوهـا
أم الـعـتره ...هاي الزهره ...قدامك مظلومه
يـا حـيدر إبباب الصبر فاطمه محسن و إمصاب
مـو إيـد وحده يا علي إمتدت عليها إبهالباب
عـاين عضدها إشبيه أثر من سوط إبن الحطاب
عاين وجهها و الجفن شوف الصدر بيش إنصاب
حـيـدر ...لـو بـيـهـن مـتـخـبـرك
حــيــدر جــا مـا قـلـك صـدرك
وكت العصره ...هاي الزهره ...قدامك مظلومه
يـا حـيدر و عمر الشمس من قصره ليل القوم
ظـلـيت إنت و الصبر من وجه شمسك محروم
بـمـجـانـها الخالي نزف قلبك يا أول مظلوم
و مـسمار ظل يا حيدره ايجرح إصدور إلها اليوم
حــيــدر ...ظــلــيـت بـالآمـك
حــيــدر... إنـت و دمـع أيـتـامـك
تـحت الغبره...هاي الزهره ...قدامك مظلومه |
|
