أضف الموضوع
الشاعر السيد سعيد الصافي الرميثي - 01/02/2011م - 11:55 م | عدد القراء: 4778
يـا بـويـه إبـفـقدك ظلموني...نكروا فضلي و ما حشموني
يـوم إغـيـابك يهمل دمعي...ليش أصحابك كسروا ضلعي
يــا بــويــه إبــفــقــدك ظــلــمـونـي
بـضعه جنت إتقول فاطمه مني...و جنت تتنشد كل وكت عني
بـويه بغيابك دهري دوهني...و لا نشف دمعي و لا هجع وني
مـن غـمـضـت عـيـنك هضموني...بويه الأشرار إتولوني
و إنـت التعرف قدري و طبعي...ليش أصحابك كسروا ضلعي
يــا بــويــه إبــفــقــدك ظــلــمـونـي
و بعدك إتوصي يا نبي الرحمان...و سمعوا إوصيتك العبدوا الأوثان
و قالوا الهادي يهجر و خرفان...إعليك ما قبلوا أنصب الأحزان
حـبـسـوا دمـعي بين إعيوني...و أبجي إعله إفراقك منعوني
و مـن سـمعوني الفقدك أنعي...ليش أصحابك كسروا ضلعي
يــا بــويــه إبــفــقــدك ظــلــمـونـي
و الـخـليفه ليش شوره يردونه...و الوصي بعدك علي إيعرفونه
وشـصـدر مـنـه لو ينحونه...و الورث حقي و لن يمنعونه
أم الـسـبـطـيـن إيـعرفوني...من ورثي إخلافك حرموني
جـيـت أطلبهم حقي الشرعي...ليش أصحابك كسروا ضلعي
يــا بــويــه إبــفــقــدك ظــلــمـونـي
إبيا ذنب بويه هجموا اعله الدار...و لنها بالعتبه غدت تلهب نار
الـباب دفعوها و صابني المسمار...إمجتف إوياهم أخذوا الكرار
مـن وقـعـه طـفـلـي و صابوني...بمصاب المحسن فجعوني
ريـتـك بويه إتشاهد وضعي...ليش أصحابك كسروا ضلعي
يــا بــويــه إبــفــقــدك ظــلــمـونـي |
|
