أربـع ابـدور إذخـرتهم...الساعة الشده ردتهم ربــيــت و تــعــبــي مـا ضـاع أربـع أركـان الـدنـيـتي شيدت بيهم  داري و آنـه أصـبحت شتلت سهر و اتربوا  بأسماري عـنـهـم  فلا لحظه غبت عاشوا إقبال  أنظاري لـو  صـحـت آه اتسارعوا و ارتقبوا  أخباري أربـع ابـدور الـمـعالي...و العمر بيهم حِلالي إشبول  إنزلوا من إسباع...ربيت و تعبي ما  ضاع أربـع إسـبـاع و قـدمـت زهرة حياتي  إلهم تـتـخـطـه بـحدود العزم و اعيوني  تتمثلهم و  آنـه الـجـنت من الزغر فوق الجفن  أحملهم عاشوا  ابساحة مهجتي و جنت آنه أعيش  ابظلهم اتربوا ابحجر الإطاعه...و من علي افنون الشجاعه هـالـخـبر للعالم شاع...ربيت و تعبي ما ضاع ابـجـامـعـة حيدر طالعوا درس العزم و الهمه و  الأسـد لـو خلف شبل يحمل صفاته و  رسمه و مـثـلوا زود المرتضه و حملوا صموده و  عزمه و اتـعـلـموا معنه الوفه و حفظوا اعهود الذمه اتـعنوا  الساحة حربهم...و عالدرع شدوا قلبهم صرخة عزمهم مذياع...ربيت و تعبي ما ضاع ابـذيـج الـليالي الزاهره اسهرت الليالي اعليهم مـا  جـنت أدري امن العمر أضمن حياتي  بيهم لاجـن  قـلـت  هالأربعه للزهره راح  أهديهم و  احـسين أعز منهم عليّ و لجل الحسين  أفديهم و الـخـبـر منهم لفاني...ضحوا وورفعوا كياني دمـهـم لبو اليمه إنباع...ربيت و تعبي ما ضاع مـا هـمـنـي من جاني الخبر عباس صابوا عينه و لا هـمـنـي من قالوا وقع و اتقطعت  جفينه نـاشـدت وش عدكم خبر شربت الماي  سكينه لـو بـقـت بالطف ضاميه و اتنادي عمي  وينه و اسـمـعت ليث المنايه...طايح ابدرب  السقايه و  ظـل الأمل بالأسماع...ربيت و تعبي ما  ضاع مـا  يـهـم  فقد الأربعه و عالصبر قلبي  امطبع لاجـن الـصوب مهجتي و خلاني أجري  المدمع مـن اسـمـعت سبط النبي طايح ابذاك المصرع ذاك  الـوكت دمعي جره و بنيان عزمي  اتصدع عـالبنين  اعيوني  تربي...حسين أخوهم هوه قلبي لـلقلب  صاروا أضلاع...ربيت و تعبي ما ضاع أرد  أنـصـب اديار الحزن و أدري الدهر  خيبني و  ظـلـيت أنوحن و انتحب يحسين وينك  يبني روحـت بـنـيـنـي الأربعه هالخبر ما  صوبني لاجـن  خبر موتك صعب صك مهجتي و شيبني أنـصـب اديار المصايب...أرد أنوح و ما أعاتب مـتـلمني يحسين القاع...ربيت و تعبي ما  ضاع