أربـع غـوالب... بين الكتايب... خلقوا  عجايب مـوجوده ساحات الوغه و هالشاهد أصدق  شاهد تـشـهـد  بـحق الأربعه صامد أمض من صامد مـن  بـعـد  دور الـتضحيه دور الخلود  الواعد الـبـذل  الـنفوس إتوجهوا للموت واحد  واحد بالهمه  صاحوا...  بالحومه طاحوا... مثل الكواكب أربـع  كـواكـب  أصبحت قاع الحرب  مثواهم نـثـرت  جـدايـلها الشمس و إتكورت  وياهم و  إنـكـدرت إنجوم السمه و تنحب على فرقاهم اتـجـفـنـوا من داري الترب و إتغسلوا بدماهم إعـيون الطوالع... تجري المدامع... الفقد  الأطايب مـا مـن مـجـره بالسمه و بالأرض ما من  ذره إلا  و عـلـيـهـم تنتحب إبدم يجري ويه  العبره اشلون أربعه و طاحوا جثث صرعه اعله وجه الغبره هـاي الـدمـوم الـطاهره انطبعت ابعين  الزهره إتـنـوح  الوديعه... يم الشريعه... إبدمع  النوايب إشـعـنـدهـا الوديعه أم الحسن يم النهر  وشبيها قـالـوا  تـدور عـالـقـمر و إجفوفه لمقطعيها مـا  حـضـرت  أم الأربـعـه يم جثته  لموذريها لاجـنـهـا  حضرت  فاطمه اتعوضها و إتواسيها الـكـافل تغيب... بالبضعه تلهب... نار  المصايب