صـاح  احـسـيـن يا عباس ياليصعب  فرقاك حـرام  العيش  من بعدك يبو فاضل حرام العيش شـقـل الحرم لو قالن لينه ارجعت وحدك  ليش يـا  خويه انكسر ظهري و تدري الينكسر  ظهره عـلـي مـا يهون أصد عنك متوسد عله الغبره الـيـوم الـقـدر يـا عباس فرق بينك و  بيني و  سـيـف  الـقطع يمناك قطع من قبلك  يميني يـا  راعـي الـوفه الما صار مثلك خوه  بالخوان قـلـت  حـيلتي و شمتت بيه اخلافك  العدوان يـبـو  فـاضـل زمـاني بيك دوهني و  حيرني جـنت لو هاجن اهمومي و شوفة وجهك  اتسرني قـام و رجـع لـلخيمه و ظهره منجسم  نصين لـجـن حـيـن عرفنه صاحن جا عضيدك وين و إجـيـت الـسا أودعجن ناصر ما بقه  عندي و  بـعـد ساعه تشوفيني اموسد عالترب  خدي

مـا يـرتـاح دلالـي و لا أهـجع بعد  عيناك يـا خـويـه مـن تظل اهنا للمخيم أردن  بيش قـلـنه  اشعوگ العباس و ترجع وحدك  خلاك مـا يـقـدر عـله النهضه و تصبح عيشته  مره و  يمك جودك و يسراك و ايمينك عالثره و  الواك و بـقـيت أتمنه سهم الصاب عينك واقع  ابعيني و  عـمود الصاب راسك ريت صوبني ولا  آذاك يا العفت العذب لجلي و طلعت امن النهر عطشان مـا  أدري أحمل اعله الجيم لو أرد للخيم و أنعاك مـا تـنـهـض تره فرقاك نحل جسمي و غيرني و  عـنـي اتزول كل شده زماني الفايت  بملقاك و مـن صـدن خواته ليه قالن موش هذا احسين قـلـهن  عالنهر مطروح و مني طلب يبقه اهناك أبـو  فـاضل مشه عني و هالظليت بس  وحدي دارن هـاي لـتـشمه و هاي اتصيح الله  اوياك