شــال الــجــود راعـيـه.... وشـد عـالـمـنـيـه دون الـخـيـم يـتـبـخـتـر..... مـثـل شـجاعة حيدر وبــيــمـنـاه مـاضـيـه..... وشـد عـالـمـنـيـه طـلعت وديعة فاطمة...... من الخدر مسروره..... بفرحة  جبدها شافت حليف الغانمه..... للفلك يسطع نوره...... جوجب سعدها سـل  بوجهّه  صارمه .... وهز رايته المنصوره.... عزها  وضمدها عــد عــيــنـاج نـاداهـا.... عـزهـا  وحـمـاهـا شـوفـي يـا زيـنـب شـوفـي.... دونـج لـضحي اجفوفي وطگ عــجــود خـطـيـه.... وشـد عـالـمـنـيـه لـزمـت عـنـان مطهمه.... وتعلگت بالرايه..... ونادت  وليها لـعـيـالك يمسها الظمه.... وهذا الفرات ومايه..... يحرم  عليها والـطـفـل ذابـل مبسمه... وأم الطفل شگايه..... يابس  ثديها دخـذي الـمـاي مـن عـيـنـي....  يـالـتـحـشـميني والـمـشـرعـه ومـا بـيـهـا..... طـي الـسجل  لطويها وإخــذي عـلـوم مـرضـيـه... وشـد عـالـمـنـيـه داس  بـرجابه وگطعه... وهاجت بجسمه الهمه... وارتجز  وأغضب عـندج علم يامودعه..... جسمي الدرع ما يلمه.... يوم  الملاعب جـيـش  اليگف عالمشرعه... لخبط الماي بدمه... وهلهلت  زينب لــلــعــبـاس  وعـلـومـه....  زهـرت  ارسـومـه وبـحـيـدره  يـتـجـنـه..... يـتـبـخـتـر ويـتـثنه ويــجــدح نـار هـنـديـه.... وشـد عـالـمـنـيـه روح  الـفراسه  بحيدره.... وعباس أخذ دستوره.... بيوم  الفراسه يشهد له يوم الگنطره..... مثل علي بكل صوره..... بدم  الحماسه صـاح  بـرفـج  يامخدره... نامي برغد منطوره.... بفي  الحراسه يــوم الــكـون وأخـطـاره ......مـن تـشـب  نـاره دونـج لـذب مـجـهـودي... وأخـبـط الـكـون بزودي وبـسـم حـسـيـن صـافـيـه.... وشـد عـالـمـنـيه