تـهـلـهـل والـمدامع زينب تهلها .... تگله هنا يبو فاضل بعد  شلها بـعـد شـلها تگله وبدمع سچـاب ... إلي وياك خويه مناشده وعتاب إنـت  الـنوختلي الهودج على الباب ... وگمت بشيمتك ياحد  مراجلها يـا حـد الـمـراجـل يا عجيد وعين ... يا بدر الهواشم ضنوة الماضين تـعـدل  هودجي  والرسن بيد حسين ..... هذا ونجل ابو طالب مناهلها مـناهل  من  عقيل وحيدر وجعفر ... شبلهم ويشب نيران الحرب لو  كر يـطر سيفه الثبت والرمح ذب الفر ..... يحوم على السرب كلها  ويجندلها يجندلها وعذاب الخيل يوم الكون .... جيت من المدينه شلون جيت  شلون بـالـعـز والـهـواشم بالضعن يحدون ...... بهيبه والحرم كبر هلاهلها هلاهل  وختك بهودج وبيه حراس ..... تقبل شيمتك زينب مهبطه  الراس يـا  عـبـاس ابـو النوماس يا فراس .... اصيد يالتصيد الصيد يا  صلها يا صلها تصيح بصوت عالي صوت .... يا فاعي ياحوت الحوت يا  منعوت هذي الموت اخوي ولا يهوله الموت .... چـي ياموت خدركم يگع ظلها يگع ظـلـهـا يبوفاضل عليك يهون .... ياطير المنايه وسخط يا  طاعون يـا سگم الـعـدو يا ساس يا مدفون .... يا سم الذي چـتال يا  سلها يـا سـل الـخصم من الرواسي طود ... يا مفتود يا فتاك ماضي  حدود ويـن  الـعـهد يا راعي العهد مريود .... هذا الشمر والحادي حده بلها بـلـهـا أگبـلت للعيله وغدت رنه ..... ياصنديد يالمطرب على  الدنه آخـر كـون مـا تـنـشـد مـحـاملنه .... وين اللي يشدلها ويعدلها يـشـد  الـها ويعدلها ويشد حزام .... چـيف تنام يالمرهب عدوك  نام عـنـده ايـتـام يـا وهـام درب الشام .... وين الي يرچـبها  وينزلها