يــا بــو فـاضـل.... يـا بـو فـاضـل
إخـتـك و أتـانـي جـيـتك .... يا بوفاضل
زيـنـب تـعـنـت لـلـمهد مستبشره بواليها
اتـنـاديـه و بـعـيـن الوفه راعي الوفه يناديها
قـطـع اقـمـاطـه من إجت مد الجفوف اعليها
بـالـيـسـره إلـهـا يـنتهض و بيمنته ايحييها
إنــت كــافــل .... يــا بـوفـاضـل
فـدوه أروح الـيـمـنـتـك .... يا بوفاضل
خـويـه هـلـه و مـيت هله عباس إلك ملهوفه
قـالـوا كـفـيـلج و أنتظر يمته العيون اتشوفه
مـشـتـاقـه أقـبل هامته و عينه و أقبل اجفوفه
كـل لـيـلـه بـجـفون الأمل غفله تمر اطيوفه
دوم أســايــل .... يــا بــو فـاضـل
يـا قـمـر طـالـت غـيبتك .... يا بو فاضل
اشـهـورك الـتـسعه اتمرمرت لمن قضت يالوالي
مـثـل الـيـصـوم و يـنتظر عيد الفطر يالغالي
كـالـوا عـضـيدج و أنتظر معقوده بيك آمالي
ابـنـومـي يـخـويه و يقضتي صورتك دوم ابالي
دمــعــي هـامـل.... يـا بـوفـاضـل
دوم ابـخـيـالـي صـورتـك....يـا بوفاضل
بـالـمـهـد صد إلها القمر صورة وفه ابها الصوره
اتـقـلـه تـعـال و يـنتهض ناظر الخوه ايدوره
جـنـه يـقـلـهـا اجفوفي لج يم الخدر منذوره
شـبـكـتـه و نـورين التقن نور العقيله و نوره
و هــالـمـشـاعـل .... يـا بـو فـاضـل
ردت الـروح ابـشـوفـتـك.... يـا بوفاضل
شـمـتـه و صـاحـت فاطمه يا يمه لو موجوده
و مـن سـمع إسم أم الحسن دار اعله اخته ازنوده
جـنـهـا يـقـلـها رايتي و يطالب إخته ابجوده
و مشن احجاب اخته جرت دمع الوفه اعله اخدوده
اتــقــلـه مـا ذل.... يـا بـو فـاضـل
احـجـابـي أمـانـه ابـرقبتك ....يا بوفاضل
عـاف الـرضـاعـه و مبتشر راعي الوفه وياها
فـرحـانـه و انقض الوكت وي زينب و ملقاها
إخـتـه تـقـلـه ابـشاربك خويه يحامي إحماها
هـيـه الـتـربـي و تـنـتظر منك توفي إرباها |
